“Біртұтас тәрбие” бағдарламасы аясында жалпы ата-аналар жиналысы өтті.

№208 мектеп-гимназиясында “Біртұтас тәрбие” бағдарламасы аясында  жалпы ата-аналар жиналысы өтті. Жиналыс барысында  бітіруші сыныптардың мемлекеттік емтихандары туралы мәліметтер баяндалды. Мектептің ішкі тәртібі туралы, соның ішінде балалардың ұялы телефон қолдануына тыйым салу, ата-аналар және өзге де адамдардың мектеп ішіне рұқсатсыз кірмеуі,  оқу үлгерімі төмендеп жатқан оқушылардың ата-аналарына ескертулер айтылды. 
Ата-аналар өздерінің тараптарынан әр түрлі ұсыныстар, пікірлер білдіріп және сұрақтар қойды.
“Ұл – қыздарымыздың саналы тәрбие мен нақты білім алуларына күш салайық. Балаға жауапкершілікпен қарап, оқыту мен адамгершілікке тәрбиелеп, бірлесе, ынтымақтаса әрекет етейік” – деп мектеп директоры жиналысты аяқтады.